Proyecto N.O.S. concierto con L-R en Cabranes

Los actos de una nueva edición del Festival del Arroz con Leche de Cabranes se abren con el concierto del dúo L-R (Leticia Baselgas -voz y percusión- y Rubén Bada -guitarres y efectos-) quienes presentan el Proyecto N.O.S.

«L-R somos un dúu formáu por Leticia Baselgas (voz y percusión) y Rubén Bada (guitarres y efectos) que trabaya cola música tradicional asturiana al traviés de la mestura de dos instrumentos aparentemente mui distintos: la pandereta y la guitarra llétrica. El nuestru principal obxetivu ye difundir la musica tradicional asturiana como dalgo vivo y potenciar formes nueves d’integrar les musiques de raiz na socieda.

Demientes l’encierru que vivimos, L-R tuvimos la suerte de tar xuntos, creando y criando al mesmu tiempu. Esti confinamientu foi la esperiencia total. Parimos munches coses nueves: ñacieron sensaciones y dexamos muncho atrás. Ficímonos más fuertes y llibres pero, sobre too, ñació una cosa per importante que ya taba dientro de nós dende facía bien tiempu: el proyectu N.O.S.

Dempués del nuestru primer averamientu al post-folk* nel que facíemos mención a la «voz ensin nome» -una referencia a les intérpretes y compositores que munches veces queden escondíes tres de la mesma pallabra «tradición»-, en N.O.S. queremos siguir les dinámiques de la tradición oral creando melodíes y lletres basaes nes nuestres vivencies. Asina, el nuestru oxetivu ye siguir la llínia creativa d’aquelles muyeres (y homes) que deprendíen y componíen cantares reformulándolos y adaptándolos a les sos vides; un patrimoniu que ye y sigui siendo tresmitíu de forma híbrida de xeneración en xeneración.

El proyectu N.O.S. quier siguir apostando pola música tradicional asturiana dende una perspectiva actual y averada a les nueves creaciones contemporanees. La idega ye esfrutar de la música tradicional y, del mesmu mou, fomentar nueves maneres d’integrar na sociedá les músiques de raigañu. Con too ello, les bases de L-R siguin siendo les mesmes: entender y difundir la música tradicional asturiana como daqué vivo y en constante tresformación; un bien común qu’ espoleta colos tiempos y les tendencies.

Esti proyectu apuesta pola música tradicional, pola so digna difusión y les sos enseñances al públicu xeneral; facer que la xente que nun te averáu a la música’l país sienta otres formes posibles de sentir y vivir parte fundamental de so cultural. Los conciertos que ufiertamos son esperiencies integradores y didáctiques nes que dialogamos col públicu, nun solo musicalmente, si non al traviés de la narrativa y les formes coles que contamos ente canción y canción la nuestra realidá musical y cultural. A la postre, trátase de siguir cola nuestra filosofía: el post-folk-asturianu que, nun solo ye’l títulu del nuestru primer trabayu discográficu, si non que tamién ye activismu y atitú crítica y, sobre too, amor incondicional pola nuestra música: la música tradicional asturiana.»

Ver: https://www.youtube.com/watch?v=YMkTKrXdi08&t=11s