ALCUENTRU COLA ESCRITORA MARTA MORI EN BIMENES

Los alcuentros col autor de los Talleres de Llectura n’Asturianu de la Comarca de la Sidra acueyen pa esti próximu martes, 4 d’ochobre, a les 17:30 hores, un alcuentru cola autora Marta Mori, entamáu pol Serviciu de Normalización Llingüística de la Comarca de la Sidra en collaboración col conceyu de Bimenes y l’asociación de muyeres Ente Muyeres. L’alcuentru dedicaráse a una de les obres narratives de l’autora, Histories familiares. Marta Mori (Xixón, 1965) ye doctora en filoloxía hispánica y tien publicaos, amás de gran cantidá d’artículos d’historia y crítica lliteraria, poemarios como Pórticu, El tiempu de la espera, La mio voz o L’alcordanza, colos que tien algamaos premios como’l Teodoro Cuesta y el Xuan María Acebal.