ACTU LLITERARIU & MONOLOGUISMU en BIMENES

El prósimu vienres, 8 de xunetu, el parque públicu de Rozaes (Bimenes) va acoyer, de magar les 19’30 hores, la entrega de premios del XIX Concursu de Cuentos pola Oficialidá del Asturianu asina como la llectura del cuentu ganador na voz del so autor. Recordamos que nesta edición les persones premiaes fueren, nesti orde, Francisco Álvarez González (por “El fotógrafu de la lluna”), Montserrat Garnacho Escayo (por “Perda”) y Laura Marcos Domínguez (por “Rexicidiu”). Tres esti pequeñu actu lliterariu actuará’l monologuista Carlos Alba, col so personaxe Sindo representando “Tengo casería…”. En casu de que llueva, estos actos treslladaránse al Centru Social “José Emilio González Aller”, asitiáu na capital del conceyu, Martimporra.