Convocaes subvenciones pa proyectos y actividaes de normalización del asturianu a empreses privaes o asociaciones

«Dende’l Serviciu de Normalización Llingüística de Man.co.si podemos echavos un gabitu si vos interesa presentavos a esta convocatoria»

El Boletín Oficial del Principáu d’Asturies (BOPA) de 15 d’avientu del 2023 publica la convocatoria de subvenciones pa proyectos y actividaes de normalización del asturianu o eonaviegu, promovíes por empreses privaes o por fundaciones y asociaciones y que se fagan ente’l 1 de xineru y el 5 d’avientu del 2024.

Les actividaes concretes sobre les que van poder tratar los proyectos subvencionables van ser estes:

• Diseñu de la imaxe corporativa, rotulaciones, campañes publicitaries o acciones normalizadores asemeyaes.
• Charles, xornaes, seminarios, congresos y asemeyaos onde la llingua vehicular seya l’asturianu o eonaviegu.
• Espectáculos artísticos en cualquier disciplina.
• Certámenes musicales, audiovisuales o lliterarios.
• Proyectos musicales o audiovisuales realizaos dafechu en llingua asturiana o en gallego-asturianu o eonaviegu.
• Publicaciones d’entidaes ensin ánimu d’arriquecimientu (non editoriales) feches n’asturianu o eonaviegu.

Les empreses o asociaciones interesaes tienen de plazu hasta’l 16 de xineru del 2024 pa presentar los sos proyectos.

BASES DE LA CONVOCATORIA