Servicio de Juventud de la Comarca de la Sidra Comarca Joven 
Cuntando cola collaboración de la Universidá d’Uviéu y del Gobiernu del Principáu d’Asturies, l’Academia de la Llingua Asturiana llanza’l Congresu Mundial de Cultura Asturiana (CMCA25). Un alcuentru concebíu de forma interdisciplinar y amplia: dende l’antropoloxía a les demás ciencies y estudios sociales, d’Asturies a cualquiera de los sos marcos de referencia.
Poro, nel CMCA25 podríen trabayase cuestiones tan estremaes como’l mundu rural, la familia y el parentescu, los procesos d’identidá, el patrimoniu, el paisax,la tradición oral, la ciudá, la cultura espresiva, la pertenencia al Arcu Atlánticu, la educación o’l xéneru.
Un foru au converxer dende les metodoloxíes, visiones y problemátiques más actuales: alredor de la minorización cultural y llingüística; de les periferies del primer mundu nel contestu global; del desaniciu y la resistencia cultural.
