Bimenes convoca’l so concursu de cuentos

El Conceyu Bimenes t’acabante de convocar el XIX Concursu de Cuentos pola Oficialidá del Asturianu. Los cuentos que se presenten al certame han de tar redactaos en llingua asturiana y nun pasar de les diez fueyes, mecanografiaes a doble espaciu y per una sóla cara. El plazu pa la presentación de trabayos fina’l 7 de mayu y l’apertura pliques tendrá llugar el 10 de xunu, día nel que tamién se dará anuncia de la fecha d’entrega premios. L’importe económicu de los mesmos ye: 600 € pal primeru, 450 € pal segundu y 300 € pal terceru. Los cuentos, de los qu’hai que presentar l’orixinal, trés copies y una copia más en versión informática, han d’unviase a la direición que vien darréu: Ayuntamientu Bimenes. Martimporra, s/n. 33527 – Bimenes.

NEL ARCHIVU ADXUNTU APÚRRENSE LES BASES DEL CONCURSU: bases