Suares (Bimenes) acueye’l VIII Conceyu’l Texu

El pueblu de Suares, en Bimenes, ye l’escoyíu p’abellugar esti añu’l Conceyu’l Texu, que llega a la so octava

edición y que se va a cellebrar el prósimu sábadu 14 de febreru. Los actos –que van abellugase baxo’l texu qu’hai al pie de la vieya ilesia parroquial– entamen a les 12’00 hores cola intervención del Bardu Errante. Darréu, Xuacu Amieva y Danuta Wojnar tocarán el Canciu’l Texu. Dempués, garrará la pallabra Ignacio Abella pa falar de la situación de los texedales asturianos. Enantes de la llectura del comunicáu d’esti VIII Conceyu’l Texu tamién interpretarán un canciu les muyeres de l’Asociación Entemuyeres, de Bimenes, y sobre les 13’00 hores pondráse-y el ramu al Conceyu cola Danza Prima, dirixía pol Grupu de Baille Los Yerbatos, tamién de Bimenes. Dende la organización del Conceyu encamienten a la xente que nun llegue col coche hasta’l llugar nel que se va entamar el mesmu –polo estrecho del camín y el

pocu espaciu p’aparcar– y que lu dexe en pueblu.