Servicio de Juventud de la Comarca de la Sidra Comarca Joven 
El Conceyu Bimenes ta acabante de convocar una nueva edición del so concursu de gaita. El requisitu imprescindible pa poder participar nel mesmu ye ser menor de 21 años a fecha 30 de payares de 2016.
El plazu p’apuntase, apurriendo la documentación afayadiza al Ayuntamientu Bimenes, acaba’l 30 de payares a les 12’00 hores.
El concursu tendrá, si’l númberu de participantes ye mayor de quince y asina lo decide’l xuráu a comuña cola organización del certame, una fase semifinal que se cellebrará na Casa la Cultura de Santuyano’l sábadu 3 d’avientu.
La final cellebraráse una selmana dempués, sábadu 10 d’avientu, a les 17’00 hores, tamién na Casa Cultura de Santuyano. Repartiránse 375 € en premios, pa los trés primeros clasificaos, asina como dellos trofeos.
Bases del concursu: BASES XVII CONCURSU GAITA BIMENES 2016
