Servicio de Juventud de la Comarca de la Sidra Comarca Joven 
El Conceyu de Nava entama les II Xornaes de Música Tradicional de Nava, que van celebrase los díes 3, 4 y 5 d’ochobre de 2014.
Les Xornaes escomenzarán el vienres 3 con xuegos tradicionales y una mesa redonda que s’allugará nel Muséu de la Sidra.
El sábadu pela mañana tendrán llugar na Casa de Cultura «Marta Portal», delles charles y una masterclass.
Pela tarde celebraráse’l II Alcuentru de Luthiers d’Instrumentos Tradicionales «Villa de la Sidra» y’l II Festival de Bandes de Gaites «LaKadarma».
De nueche tendrá llugar la Nueche Folk colos grupos Cerezal, Felpeyu y Alambig Elektrik.
Les Xornaes terminarán el domingu col II Concursu «LaKadarmada».
MASTERCLASS DE GUITARRA FOLK – ROLAND CONQ
Sábadu 4 d’ochobre a les 12:00 hores, aulariu de la Escuela Municipal de Música de Nava. Places llimitaes.
Impartía por Roland Conq, guitarrista del grupu Bretón Alambig Elektrik.
La masterclass tendrá una duración de 2 hores y un calter eminentemente prácticu (ritmos, armoníes, recursos estilísticos, etc.).
Preciu: 5€
Ingresar en CajAstur, nu de cuenta: 2048-0017-17-3400007421
P’acceder a la masterclass sedrá necesariu presentar al entamu de la mesma’l xustificante de pagu bancariu de la inscripción.
Inscripciones:
Casa de Cultura «Marta Portal»
C/Villabona, nu 3, C.P. 33520, Nava (Asturies)
Tlfnu.: 985716675 (horariu de 09:00 a 14:00 hores de llunes a vienres).
