Paco Álvarez gana’l Premiu de Relatos curtios n’asturianu Xosé Caveda y Nava

L’escritor xixonés Paco Álvarez (Xixón, 1970) resultó ganador de la primera edición del Premiu de Relatos Curtios ‘Xosé Caveda y Nava’, convocáu pol Conceyu de Villaviciosa y que cunta con una dotación económica de 1000 euros. El xuráu, formáu polos escritores Marta Mori de Arriba, Miguel Rodríguez Monteavaro y Miguel González Pereda, actuando como secretario Pablo Suárez Fernández, del Serviciu de Normalización Llingüística de la Comarca de la Sidra, decidió por unanimidá conceder el premiu al relatu tituláu ‘Mar d’Irlanda’, del que destacó la so rigurosa documentación histórica y cultural, la orixinalidá del tema dientro de la lliteratura asturiana y lo cuidao del estilu. El xuráu quixo destacar la calidá y n’especial la corrección llingüística de les obres presentaes.

Paco Álvarez ye escritor,periodista y traductor y tien ganáu’l premiu Xosefa Xovellanos de novela na so edición de 2015 con ‘Lluvia d’agostu’, que constituyó amás tou un éxito editorial, tien ganaos dellos concursos de relatos como’l Concursu de Cuentos pola Oficialidá del Asturianu de Bimenes y tien  publicaes obres como ‘Patiu de prisión’, ‘En poques pallabres’ y ‘Dixebra. Cróniques d’un pueblu’.

El Premiu ye una convocatoria del Conceyu de Villaviciosa en el marcu del sofitu a la llingua asturiana.

BASES BOPA PREMIU RELATOS CURTIOS

I PREMIU RELATOS plazu

 

Scroll To Top