El Conceyu Bimenes t’acabante de convocar el XXI Concursu de Cuentos pola Oficialidá del Asturianu.
Los cuentos que se presenten al certame han de tar redactaos en llingua asturiana y nun pasar de les diez fueyes, mecanografiaes a doble espaciu y per una sola cara.
El plazu pa la presentación de trabayos fina’l 31 de mayu y l’apertura pliques tendrá llugar el 3 de xunetu, día nel que tamién se dará anuncia de la fecha d’entrega premios.
L’importe económicu de los mesmos ye: 600 € pal primeru, 450 € pal segundu y 300 € pal terceru.
Los cuentos, de los qu’hai que presentar l’orixinal, trés copies y una copia más en versión informática, han d’unviase a la direición que vien darréu: Ayuntamientu Bimenes. Plaza de Miranda de l Douro, s/n. 33527 – Martimporra.